20. URTEURRENEKO BIDEOAK

20. urteurrenaren festan parte harturiko talde desberdinen joaldiak youtube-n dauzkazue ikusteko. Honako hauek dira horietako batzuk:

20. URTEURRENEKO ARGAZKIAK

20. urteurreneko argazkiak ikusgai dituzue ondorengo link honetan:www.flickr.com/photos/sestaokotxalapartaeskola

GIRO EDERRA ETA SAIO BIKAINAK, ZORIONAK GUZTIOI

Joan da Txalaparta eskolaren 20. urteurren eguna, saioen kalitatea eta festa mundiala izan zen eta eguraldia guztiz alde izan ez bazen ere, urteurrenak utzitako zaporea eta beroa puxka baterako geratuko dire gurekin.

Arratsaldeko bostak aldera hasi zen ospakizuna, Iparralde eta Nafarroatik etorritako lagunak aurretik egon baziren ere euren txalapartaren egurrak astintzen.

Argazki esposaketa, saio libreak eta urteurrenaren bideo oroigarria izan ziren giroa berotzen joan zirenak txalaparta eskola ezberdinen saioei bide eman arte, Ortuella eta Gallartako taldeak, Uribe Kostako Uktest, Leioako txalapartariak, Txapuparta eskola eta Sestaoko eskola bera izan genituen Kasko plazako oholtza gainean haize eta euriari aurre egiten zion publikoari zeukaten onena eskaintzen.

Haize eta euriaz ari garen honetan ezin ahaztu ditzazkegu Jotzen perkusioak-eko Iker bere dendatxoarekin eta Mendieta elkarteko sukaldari eta zerbitzariek euren pintxoekin elementuen kontra egindako borroka bizia, milesker eta biba zuek.

Kaskoko saioak bukatu bezain pronto hasi zen eguneko saio nagusia, bertan kalejiran, eta hankapalo eta musikariez lagundurik Sestaoko kale eta tabernetatik joan ginen Euskal Herriko herrialde ezberdinetatik zetozen taldeen saioak gozatzera, azkenik eta "postre" bezala Sestaoko Txalaparta Eskola eta DJ- Rumaniak-en ttakun eta beat-arekin bukatzeko.

SESTAOKO TXALAPARTA ESKOLA IRRATIAN

Aurreko astean elkarrizketa izan genuen Pititako Informatzen kolektiboaren eskutik. Saioa Tas-Tas eta Irola bezalako irratietan izan zen entzungai aurreko asteartean eta uhinak astinduko ditu datorren ostiral honetan ere gaueko 21:00etan.
Bertan gure eskolaren nondik norakoei buruz, txalapartari eta gure urteurrenari buruz ibili ziren hizketan gure eskolako Eneko eta Mamarigako txalaparta ikasle den Natiren partehartzearekin.

Momentuan entzun ahal izan ez zenutenok edo datorren ostiralean zuzenean entzun ahal izango ez duzuenok hemen daukazue entzungai.

SESTAOKO TXALAPARTA ESKOLAK 20 URTE!!

Kaixo lagunok

20 urte bai, ez gehiago baina ezta gutxiago ere, 20 urte jo ta fuego egurra ematen gure Euskal Herri hontan, atzerrian eta aukera eman diguten leku guztietan. Barre, malko zein izerdiz zipriztinduriko urteak, gauza ahaztezinez eta hunkigarriez beterikoak.

Eta urte guzti hauetan txalaparta hainbat pertsonarekin elkarbanatu eta gozatu dugun bezala, gure elkartearen urtemugak ere horrela behar du, noizbait gurekin bidean topo egin duzuen lagun guztion eta oraindik ezagutzear ditugun lagunen jaia.
Presta zaitezte bada, badator Sestaoko TX Eskolaren 20. urteurrena, badator 7. Txalaparta jaia!!



EGITARAUA

Azaroaren 21ean Sestaoko Txalaparta Eskolaren 20. urteurrena

17:00etatik 19:30ak arte Kasko plazan:

Txalapartada herrikoia
Argazki erakusketa

Tx ikasleen kontzertua
Meatzaldeko Harrigorria
UKtesk
Leioa eta Gaiartako ikasleak
Txapuparta Eskola
Sestaoko Tx Eskola

19:30etatik 24:00ak arte:
Tx Maratoia herriko tabernak lotuz (La Pela, Merlín, Ekintza, Dark, La Rueda & Cha-cha)

Gazteiko Txalamako
Ziburuko Tx Taldea
Antsoaingo Txalapartariak
Trapagarango Ezpala Tx Tailerra
Hernaniko Ttakun Ttan Ttakun
Sestaoko Tx Eskola

23:00etan Cha-cha tabernan:

Txalaparta baten zozketa

24:00etatik aurrera Cha-cha tabernan:

Txalaparta Party Aparta, Txalaparta + Perkusioa + Tecno musika
(Sestaoko Tx Eskola + Ene Larru + Dj. Ru-Maniak)